Aaghaaz To Hota Hai Anjaam Nahi Hota

By : Meena Kumari 

Aaghaaz To Hota Hai Anjaam Nahi Hota 

Jab Merii Kahaanii Men Vo Naam Nahiin Hotaa

Jab Zulf Kii Kaalikh Men Ghul Jaaye Ko’ii Raahii 

Bad-Naam Sahii Lekin Gum-Naam Nahiin Hotaa

Hans Hans Ke Javaan Dil Ke Ham Kyoun Na Chune Tukre 

Har Shakhs Kii Qismat Men Ina’am Nahiin Hotaa

Bahte Hu’e Aansuu Ne Aankhon Se Kahaa Tham Kar 

Jo Mae Se Pighal Jaaye Vo Jaam Nahiin Hotaa

Din Duube Hain Yaa Duubii Baaraat Liye Kashtii 

Saahil Pe Magar Ko’ii Kohraam Nahiin Hotaa

Click Here for More Urdu Classical Poetry (on Facebook)

Apanii Rusavaaii Teri Naam Ka Charcha Dekhuu

By : Parveen Shakir

apanii rusavaa_ii tere naam ka charchaa dekhuu.

ek zaraa sher kahuun aur main kyaa kyaa dekhuu.

niind aa jaaye to kyaa mahafile.n barpaa dekhuu.

aa.Nkh khul jaaye to tanhaa_ii kaa sahara dekhuu.

shaam bhii ho ga_ii dhundhalaa ga_ii aa.Nkhe.n bhii merii

bhuulanevaale main kab tak teraa rastaa dekhuu.

sab zide.n us kii mai.n puurii karuu.N har baat sunuu.N

ek bachche kii tarah se use ha.Nstaa dekhuu.N

mujh pe chhaa jaaye vo barasaat kii Khushbuu kii tarah

ang ang apanaa usii rut me.n mahakataa dekhuu.

tuu merii tarah se yaktaa hai magar mere habib

jii me.n aataa hai ko_ii aur bhii tujh saa dekhuu.

main ne jis lamhe ko puujaa hai use bas ek baar

Khvaab ban kar terii aankhon main utarataa dekhuu.

tuu meraa kuchh nahii.n lagataa hai magar jaan-e-hayaat

jaane kyo.n tere liye dil ko dhadakataa dekhuu.

Click Here for More Urdu Classical Poetry (on Facebook)

Ajib Tarz-e-Mulaqat Ab K Bar Rahi

By : Parveen Shakir

tumhin the badle hue ya meri nigahen thin

tumhari nazron se lagta tha jaise meri bajaye

tumhare ghar main koi aur shakhs aya hai

tumhare ohad ki denen tumhen mubarak

so tum ne mera swagat usi tarah se kiya

jo afsaran-e-hukumat k aitaqad main hai

takallufan mere nazdik a k baith gaye

phir ehtamam se mausam ka zikr cher diya

kuch us k bad siyasat ki bat bhi nikli

adab par bhi koi do char tabsare faramaye

magar na tum ne hamesha ki tarah ye pucha

kya waqt kaisa guzarta hai tera jan-e-hayat

pahar din ki aziyat main kitni shiddat hai

ujar rat ki tanhai kya qayamat hai

shabon ki sust rawi ka tujhe bhi shikwa hai

gam-e-firaq k qisse nishat-e-wasl ka zikr

rawayatan hi sahi koi bat to karte

Click Here for More Urdu Classical Poetry (on Facebook)

Badban Khulne Se Pahle Ka Ishara Dekhna

By : Parveen Shakir

Badban khulne se pahle ka ishara dekhna

main samandar dekhti hun tum kinara dekhna

yun bicharna bhi bahut asan na tha us se magar

jate jate us ka wo mur k dubara dekhna

kis shabahat ko liye aya hai darwaze pe chand

ai shab-e-hijran zara apna sitara dekhna

aine ki ankh hi kuch kam na thi mere liye

jane ab kya kya dikhayega tumhara dekhna

Click Here for More Urdu Classical Poetry (on Facebook) 

Barish Hui To Phulon K Tan Chak Ho Gaye

By : Parveen Shakir

Barish hui to phulon k tan chak ho gaye

mausam k hath bhig k saffak ho gaye

badal ko kya khabar k barish ki chah main

kitne buland-o-bala shajar khak ho gaye

jugnu ko din k waqt pakarne ki zid karen

bache hamare ahad k chalak ho gaye

lahra rahi hai barf k chadar hata k ghas

suraj ki shah pe tinak bhi bebak ho gaye

suraj dimag log bhi iblag-e-fikr main

zulf-e-shab-e-firaq k pechak ho gaye

jab bhi garib-e-shahar se kuch guftagu hui

lahaje hawa-e-sham k namnak ho gaye

sahil pe jitne abguzida the sab k sab

dariya k rukh badalte hi tairak ho gaye

Click Here for More Urdu Classical Poetry (on Facebook)

Dasht-e-Shab Par Dikhai Kya Dengi

By : Parveen Shakir

Dasht-e-shab par dikhai kya dengi

silawaten roshani main ubhrengi

ghar ki diwaren mere jane par

apni tanhaiyon ko sochengi

ungaliyon ko tarash dun phir bhi

adatan us ka nam likkhengi

rang-o-bu se kahin panah nahin

khwahishen bhi kahan aman dengi

ek khushbu se bach bhi jaun agar

dusari nikahaten jakar lengi

khirkiyon par dabiz parde hon

barishen phir bhi dastaken deng

Click Here for More Urdu Classical Poetry (on Facebook)

Dil Ka Kya Hai Wo To Chahega Musalsal Milana

By : Parveen Shakir

Dil ka kya hai wo to chahega musalsal milana

wo sitamgar bhi magar soche kisi pal milna

wan nahin waqt to ham bhi hain adim-ul-fursat

us se kya kahiye jo har roz kahe kal milna

ishq ki rah k musafir ka muqaddar malum

dasht-e-ummid main andeshe ka badal milna

daman-e-shab ko agar chak bhi kar len to kahan

nur main duba hua subah ka anchal milna

Click Here Urdu Classical Poetry for More (on Facebook)

Justaju Khoye Huon Ki Umar Bhar Karte Rahe

By : Parveen Shakir

Justaju khoye huon ki umr bhar karte rahe

chand k hamrah ham har shab safar karte rahe

raston ka ilm tha ham ko na simton ki khabar

shahar-e-namalum ki chahat magar karte rahe

ham ne khud se bhi chupaya aur sare shahar se

tere jane ki khabar dar-o-diwar karte rahe

wo na ayega hamain malum tha us sham bhi

intazar us ka magar kuch soch kar karte rahe

aj aya hai hamain bhi un uranon ka khayal

jin ko tere zaum main be-bal-o-par karte rahe

Click Here for More Urdu Classical Poetry (on Facebook)

Kamal-e-Zabt Ko Khud Bhi To Azmaungi

By : Parveen Shakir

Kamal-e-zabt ko khud bhi to Azmaungi

main apne hath se us ki dulhan sajaungi

supurd kar k use chandni k hathon

main apne ghar k andheron ko laut aungi

badan k karb ko wo bhi samajh na payega

main dil main roungi ankhon main muskuraungi

wo kya gaya k rafaqat k sare lutf gaye

main kis se ruth sakungi kise manaungi

wo ik rishta-e-benam bhi nahin lekin

main ab bhi us k isharon pe sar jhukaungi

bicha diya tha gulabon k sath apna wajud

wo so k uthe to khwabon ki rakh uthaungi

ab us ka fan to kisi aur se mansub hua

main kis ki nazm akele main gungunaungi

jawaz dhundh raha tha nai muhabbat ka

wo kah raha tha k main us ko bhul jaungi

samaaton main ghane jangalon ki sansen hain

main ab kabhi teri awaz sun na paungi

Click Here for More Urdu Classical Poetry (on Facebook)

Kariya-e-Jan Main Koi Phul Khilne Aye

By : Parveen Shakir

Kariya-e-jan main koi phul khilne aye

wo mere dil pe naya zakhm lagane aye

mere wiran darichon main bhi khushbu jage

wo mere ghar k dar-o-bam sajane aye

us se ik bar to ruthun main usi ki manind

aur meri tarah se wo mujh ko manane aye

isi kuche main kai us k shanasa bhi to hain

wo kisi aur se milne k bahane aye

ab na puchungi main khoye hue khwabon ka pata

wo agar aye to kuch bhi na batane aye

zabt ki shahar-panahon ki mere malik khair

gam ka sailab agar mujh ko bahane aye

Click Here for More Urdu Classical Poetry (on Facebook)

Khulegi Is Nazar Pe Chashm-e-Tar Ahista Ahista

By : Parveen Shakir

Khulegi is nazar pe chashm-e-tar ahista ahista

kiya jata hai pani main safar ahista ahista

koi zanjir phir wapas wahin par le k ati hai

kathin ho rah to chutata hai ghar ahista ahista

badal dena hai rasta ya kahin par baith jana hai

k thakta ja raha hai hamsafar ahista ahista

khalish k sath is dil se na meri jan nikal jaye

khinche tir-e-shanasai magar ahista ahista

hua hai sarkashi main phul ka apna ziyan, dekha

so jhukta ja raha hai ab ye sar ahista ahista

meri shola mizaji ko wo jangal kaise ras aye

hawa bhi sans leti ho jidhar ahista ahista

Click Here for More Urdu Classical Poetry (on Facebook) 

Khuli Ankhon Main Sapna Jagta Hai

By : Parveen Shakir

Khuli ankhon main sapna jagta hai

wo soya hai k kuch kuch jagta hai

teri chahat k bhige jangalon main

mera tan mor ban k nachata hai

mujhe har kaifiyat main kyon na samjhe

wo mere sab hawale janta hai

kisi k dhyan main duba hua dil

bahane se mujhe bhi talta hai

sarak ko chor kar chalna parega

k mere ghar ka kacha rasta hai

Click Here for More Urdu Classical Poetry (on Facebook) 

Ku-ba-ku Phail Gai Bat Shanasai Ki

By : Parveen Shakir

Ku-ba-ku phail gai bat shanasai ki

us ne khushbu ki tarah meri pazirai ki

kaise kah dun k mujhe chor diya hai us ne

bat to sach hai magar bat hai ruswai ki

wo kahin bhi gaya lauta to mere pas aya

bas yahi bat hai achi mere harjai ki

tera pahlu tere dil ki tarah abad rahe

tujh pe guzre na qayamat shab-e-tanhai ki

us ne jalti hui peshani pe jo hath rakha

ruh tak a gai tasir masihai ki

Click Here for More Urdu Classical Poetry (on Facebook)

Kuch Faisala To Ho K Kidhar Jana Chahiye

By : Parveen Shakir 

Kuch faisala to ho k kidhar jana chahiye

pani ko ab to sar se guzar jana chahiye

har bar aeriyon pe gira hai mera lahu

maqtal main ab ba-tarz-e-digar jana chahiye

kya chal saknge jin ka faqat mas'la ye hai

jane se pahle rakht-e-safar jana chahiye

sara jwar-bhata mere dil main hai magar

ilzam ye bhi chand k sar jana chahiye

jab bhi gaye azab-e-dar-o-bam tha wahi

akhir ko kitni der se ghar jana chahiye

tohamat laga k man pe jo dushman se dad le

aise sukhanfarosh ko mar jana chahiye

Click Here for More Urdu Classical Poetry (on Facebook)

Manzar Hai Wahi Thithak Rahi Hun

By : Parveen Shakir

Manzar hai wahi thithak rahi hun

hairat se palak jhapak rahi hun

ye tu hai k mera waham hai

band ankhon se tujh ko tak rahi hun

jaise k kabhi na tha tarruf

yun milte hue jhijhak rahi hun

pahchan main teri roshani hun

aur teri palak palak rahi hun

kya chain mila hai sar jo us k

shanon pe rakhe sisak rahi hun

ik umr hui hai khud se larte

ander se tamam thak rahi hun

Click Here for More Urdu Classical Poetry (on Facebook)

Musalsal Bekali Dil Ko Rahi Hai

By : Parveen Shakir

Musalsal bekali dil ko rahi hai

magar jine ki surat to rahi hai

main kyun phirta hun tanha mara mara

ye basti chain se kyon so rahi hai

chal dil se ummidon k musafir

ye nagari aj khali ho rahi hai

na samjho tum ise shor-e-baharan

khizan patton main chup k ro rahi hai

hamare ghar ki diwaron pe 'Nasir'

udasi bal khole so rahi hai

Click Here for More Urdu Classical Poetry (on Facebook)

Mushkil Hai Ab Shahar Main Nikle Koi Ghar Se

By : Parveen Shakir

Mushkil hai ab shahar main nikle koi ghar se

dastar pe bat a gai hai hoti hui sar se

barsa bhi to kis dasht k be-faiz badan par

ik umr mere khet the jis abr ko tarse

is bar jo indhan k liye kat k gira hai

chiriyon ko bara pyar tha us burhe shajar se

mehnat meri andhi se to mansub nahin thi

rahna tha koi rabt shajar ka bhi samar se

khud apne se milne ka to yara na tha mujh main

main bhir main gum ho gai tanhai k dar se

benam musafat hi muqaddar hai to kya gam

manzil ka ta'yyun kabhi hota hai safar se

pattharaya hai dil yun k koi ism parha jaye

ye shahar nikalta nahin jadu k asar se

nikle hain to raste main kahin sham bhi hogi

suraj bhi magar ayega is rah-guzar se

Click Here for More Urdu Classical Poetry (on Facebook)

Sabz Madham Roshani Main Surkh Anchal ki Dhanak

By : Parveen Shakir

Sabz madham roshani main surkh anchal ki dhanak

sard kamre main machalti garm sanson ki mahak

bazuon k sakht halqe main koi nazuk badan

silwaten malbus par anchal bhi kuch dhalka hua

garmi-e-rukhsar se dahki hui thandi hawa

narm zulfon se mulayam ungliyon ki cher char

surkh honton par shararat k kisi lamhen ka aks

reshami bahon main churi ki kabhi madham dhanak

sharmagin lahjon main dhire se kabhi chahat ki bat

do dilon ki dhrkanon main gunjti thi ek sada

kanpte honton pe thi Allah se sirf ek dua

kash ye lamhe thahar jayen thahar jaye

Click Here for More Urdu Classical Poetry (on Facebook)

Sundar Komal Sapnon ki Barat

By : Parveen Shakir

Sundar komal sapnon ki barat guzar gai janan

dhup ankhon tak a pahunchi hai rat guzar gai janan

bhor samay tak jis ne hamain baham uljhaye rakha

wo albeli resham jaisi bat guzar gai janan

sada ki dekhi rat hamain is bar mili to chup k se

khali hath pe rakh k kya saugat guzar gai janan

kis konpal ki as main ab tak waise hi sar-sabz ho tum

ab to dhup ka mausam hai barsat guzar gai janan

log na jane kin raton ki muraden manga karte hain

apni rat to wo jo tere sath guzar gai janan

Teri Khushbu ka Pata Karti Hai

By : Parveen Shakir

Teri khushbu ka pata karti hai

mujh pe ehsan hawa karti hai

shab ki tanhai main ab to aksar

guftagu tujh se raha karti hai

dil ko us rah pe chalna hi nahin

jo mujhe tujh se juda karti hai

zindagi meri thi lekin ab to

tere kahne main raha karti hai

us ne dekha hi nahin warna ye ankh

dil ka ehwal kaha karti hai

beniyaz-e-kaf-e-dariya angusht

ret par nam likha karti hai

sham parte hi kisi shakhs ki yad

kucha-e-jan main sada karti hai

mujh se bhi us ka hai waisa hi suluk

hal jo tera ana??? karti hai

dukh hua karta hai kuch aur bayan

bat kuch aur hua karti hai

abr barse to inayat us ki

shakh to sirf dua karti hai

masla jab bhi utha chiragon ka

faisala sirf hawa karti hai

Wo To Khushbu Hai Hawaon Main Bikhar Jayega

By : Parveen Shakir

Wo to khushbu hai hawaon main bikhar jayega

masla phul ka hai phul kidhar jayega

ham to samjhe the k ek zakhm hai bhar jayega

kya khabar thi k rag-e-jan main utar jayega

wo hawaon ki tarah khanabajan phirta hai

ek jhonka hai jo ayega guzar jayega

wo jab ayega to phir us ki rafaqat k liye

mausam-e-gul mere angan main thahar jayega

akhir wo bhi kahin ret pe baithi hogi

tera ye pyar bhi dariya hai utar 

Sandal Kar Do

By : Saghir Siddiqui

Apnay Ehsas Say Chu Kar Mujhay Sandal Kar Do

By : Wasi Shah

Apnay ehsas say chu kar mujhay sandal kar do.

main kai sadioon say adhoora hoon mukamal kar do.

na tumhian hosh rahay or na mujhay hosh rahay.

is qadar toot k chahooo mujhay pagal kar do.

tum hatheli ko meray piyar ki mehandi say rango...

apni ankhoon main meray nam ka kajal kar doo..

is k sayay tallay meray khwab dahak uthaian gay....

meray chehray pay chamtka hua anchal kar dooo

dhoop hi dhoop hoon main toot k barsoo mugh per...

is qadar barsoo meri roh main jal thal kar doo...

jaisay sehraoon main har sham hawa chalti hay...

is tarah mugh main challo or mujhay thall kar doo

tum chupa lo mera dil oat main apnay dil ki...

or mujhay meri nighaoon say b oojhal kar doo...

masla hoon to nighahian na churaoo mugh say...

apni chahat say tawajah say mujhay hal kar doo

Kash Main Tere Haseen Hath Ka Kagan Hota

By : Wasi Shah

Kaash Mein Tere Haseen Haath Ka Kangan Hota

Tu Bade Payar Say Chao Say Bade Maan K Saath

Apni Nazuk Si Kalayi Mein Chadhati Mujh Ko

Aur Bay Taabi Say Furqat K Khizan Lamho Mein

Tu Kisi Soch Mei Doobi Jo Ghumaati Mujh Ko

Mein Tere Hath Ki Khushboo Say Mehak Jata

Jab Kabhi Mood Mein Aa Kar Mujhay Chooma Karti

Tere Honton Ki Hidat Say Dahak Sa Jaata

Raat Ko Jab Bhi Tu Neendon Kay Safar Pay Jaati

Mar Mareein Haath Ka Takiya Banaya Karti

Mein Tere Kaan Say Lag Kar Kayi Baatein Karta

Teri Zulfon Tere Gaal Ko Chooma Karta

Mujh Ko Bay Taab Sa Rakhta Teri Chahat Ka Nasha

Mein Teri Rooh K Gulshan Mein Mehak Ta Rehta

Mein Tere Jism K Aangan Mein Khanakta Rehta

Kuch Nahi To Ye Bay Naam Sa Bandhan Hota

Kaash Mein Tere Haseen Haath Ka Kangan Hota

Tum Meri Ankh K Tewar Na Bhula Paoge

By : Wasi Shah

Tum meri ankh k tewar na bhula paoge

ankahi bat ko samjhoge to yad aunga

ham ne khushyon ki tarah dukh bhi ikathe dekhe

safah-e-zist ko paltoge to yad aunga

isi andaz mein hote the mukhatib mujh se

khat kisi aur ko likhoge to yad aunga

sard raton k mahkate hue sannaton mein

jab kisi phul ko chumoge to yad aunga

ab tere ashk main honthon se chura leta hun

hath se khud inhen ponchoge to yad aunga

shal pahnayega ab kaun decembar mein tumhen

barishon mein kabhi bhigo ge to yad aunga

aj tum mahfil-e-yaran pe ho magrur bahut

jab kabhi tut k bikhroge to yad aunga

hadse ayenge jiwan mein to tum ho k nidhal

kisi diwar ko thamoge to yad aunga

is mein shamil hai meri bakht ki tariki bhi

tum siyah rang jo pahnoge to yad aunga

Dayar-e-Gair Mein Kaise Tujhe Sada Dete

By : Wasi Shah

Dayar-e-gair mein kaise tujhe sada dete

tu mil bhi jata to tujhe ganwa dete

tumhin ne ham ko sunaya na apna dukh warna

dua wo karte k ham asman hila dete

hamein ye zom raha ab k wo pukarenge

unhen ye zid thi k har bar ham sada dete

wo tera gam tha k tasir mere lahje ki

k jis ko hal sunate use rula dete

tumhen bhulna hi awwal to dastaras mein nahin

jo ikhtiyar bhi hota to kya bhula dete

tumhari yad ne koi jawab hi na diya

mere khayal k ansu rahe sada dete

samton ko main ta-umr kosta Syed

wo kuch na kahte magar honth to hila dete

Qayam Karti Thi WO Mujh Mein Soofiyon Ki Tarah

By : Wasi Shah

Galli Main Dard Ke Purze Talash Karti Thi

Mere Khatoot ke Tukrre Talash Karti Thi

Bholaye Kon Azeeat Pasandiyan Usski

Khushi Ke Dhair Main Sadme Talash Karti Thi

Ajab Hijr Parasti Thi Uski Fitrat Main

Shajar Ke Toot-Te Patte Talash Karti Thi

Qayam Karti Thi WO Mujh Main Soofiyon Ki Tarhan

Udass Rooh Ke Goshay Talash Karti Thi

Tamam Raat WO Parday Hata Ke Chand Ke Saath

Jo Kho Gaye Thay WO Lamhe Talash Karti Thi

Kuch Iss Liye Bhi Mere Ghar Se USS KO Thi Vehshat

Yahan Bhi Apne Hi Payare Talash Karti Thi

Ghuma Phira Ke Judai Ki Baat Karti Thi

Hamesha Hijer Ke Harbe Talash Karti Thi

Tamam Raat WO Zakhma Ke Apni Pooron KO

Mere Wajood Ke Raaz Talash Karti Thi

Duayen Karti Thi Ujrre Huway Mazaron Per

Bari Ajeeb Sahare Talash Karti Thi

Mujhe to Aaj Bataya Hai Badlon Ne ”Wasi”

WO Laut Aane Ke Raaste Talash Karti Thi

Best Poetry by Wasi Shah

By : Wasi Shah

Best Ghazal by Wasi Shah

By : Wasi Shah

Aankhain Bheeg Jati Hain

By : Wasi Shah

Tumhara Naam Likhnay Ki Ijazat Chin Gayi Jab Se

koi bhi lafz likhta hon tou aankhain bheeg jati hain

Hazaron mausmon ki hukmarani hae meray dil par

Wasi main jab bhi tanhha hon tou aankhain bheeg jati hain

Ajj You Mosam Nay Di Jashn-e-Mohabbat Ki Khabar

By : Wasi Shah

Kis Qadar Zulm Dhaya Kertey Ho

By : Wasi Shah

       Kis Qadar Zulm Dhaya Kertey Ho

      Yeh Jo Tum Bhool Jaya Kerte Ho

         Kis Ka Ab Haath Rakh Ke Seene Per

  Dil Ki Dhadhkan Sunaya Kerte Ho

Hum Jahan Chaye Peene Jate Thay

Kia Wahan Ab Bhi Aaya Kerte Ho

Kon Hai Ab Ke Jis Ke Chehre Per

Apni Palkon Ka Saaya Kerte Ho

   Kiun Mere Dil Mai Rakh Nahee Dete

Kis Liye Gham Uthaya Kerte Ho

Phone Per Geet Jo Sunate Thay

Ab Wo Kis Ko Sunaya Kerte Ho

Akhiri Khat Mai Usney Likha Tha

Tum Mujhe Yaad Aaya Kerte Ho

Dastaan-e-Zindagi

                                                                  By : Ahmad Sabih




                                               Dastaan-e-Zindagi tu bohot khamosh hai magar
                                               Behtay ashkon ka shor sunana chahta hoon

                                               Hai ujala bhi tu subh-e-kazib ki manind
                                               Bas ek umeed zaroor dikhana chahta hoon

                                               Mujh ko maloom hai manzil ki haqeeqat lekin
                                               Parwana ban kr urh jana chahta hoon

                                               Har chehra naqaab hai nafratoon kay ooper
                                               Aur mein kiun kr un se mohabbatein le jana chahta hoon

                                               Zindagi ka safar guzar janay per gumaan hua kay
                                               Mein makhlooq-e-Qabar hoon magar dunya mein jeena chahta hoon

Meri Fitrat

                                                                   By : Ahmad Sabih




                                                   Aaj meri fitrat meri wajah-e-tanhai ban gai
                                                   Mujh se teri qurbat kuch bin nibhai reh gai

                                                   Ehd-e-rafaqat saath hai tu kia hasil?
                                                   Dil mein tu mauj e bewafai reh gai

                                                  Suna hai jeetay ho kisi manoos k liay Sabih
                                                  Per shayad us ko zindagi ki rasai mil gai...

Tum Kehtay Ho

                                                                By : Ahmad Sabih         



                                           Tum kehtay ho in lafzon mein chupi dastaan tu bohot hai?
                                                  Kia karoon keh dene ko bas ek waraq he mila..
                                  

Barastay Qatron Mein

                                                          By : Ahmad Sabih

                               Umeed-e-seher khoojtay ho in barastay qatron mein..?
                               Ajab nahi k beh jao is darya ki rawani mein

                                              Manzil tu la-hasil saraab hai magar,
                                           Justuju k liay kuch safar aur mil jaay ga..

                                       Mauje-eBedari tere lafzon ki mehek deti hai,
                                        K waqt tu bohot guzara magar zindagi nahi.

Kuch keh Denay ki Dastaras tu Hasil Nahin

                                                      By : Ahmad Sabih



                                   Jis aaghosh-e-Nakheel ko tum ne qaid-e-tanhai samjha
                                   woh qila junoon-e-fitrat se banaya tha mein ne

                                   Ek Dunya hasraton ki wahan bhi basti thi
                                   Bas tum ko Nigah-e-Mukhalif se chupaya tha mein ne

                                  Bari azaad uraan bhartay ho mauje-e-saba mein
                                 par ehsaas-e-qurbat ko kuch dur paya tha mein ne

                                Jin rangon ko tum ne tabbasum ka zarya samjha,
                                Jazbaat k un teelon ko khud he giraya tha mein ne

                                          Kuch keh denay ki dastaras tu hasil nahi,
                                          bas ek bhara hua dil basaya tha mein ne


                               

Ankhain

Ameen