By : Ahmed Faraz
Aashiqi be-dili se mushkil hai
phir muhabbat usii se mushkil hai
ishq aaGaaz hee se mushkil hai
sabr karanaa abhi se mushkil hai
ham ?? aasaan hain aur hamaare liye
dushmani dosti se mushkil hai
jis ko sab be-vafaa samajhate hon
bewafaai usii se mushkil hai
ek do dosray se sahel na jaan
har koi har kisi se mushkil hai
tu baa-zid hai to jaa 'Faraz' magar
vaapasi us gali se mushkil hai
Click Here for More Urdu Classical Poetry (on Facebook)
No comments:
Post a Comment